Օրվա շախմատային իրադարձությունները

Սերգեյ Կասպարովը Սոթրոնում

Գրոսմայստեր Սերգեյ Կասպարովը (Բելառուս) Ֆրանսիայի Սոթրոն քաղաքում անցկացված օփենում 9 հնարավորից վաստակեց 6 միավոր եւ 171 մասնակիցների մեջ գրավեց 11-րդ տեղը:

7-ական միավորով 1-2-րդ տեղերը բաժանեցին իսրայելցի գրոսմայստերներ Բորիս Ավրուխը եւ Միխայիլ Ռոյզը: Լրացուցիչ ցուցանիշներով գլխավոր մրցանակը շնորհվեց Ավրուխին. տեղեկացնում է armchess.am-ը:

Արմեն Բրուտյանը Բրազիլիայի առաջնությունում

ՖԻԴԵ-ի վարպետ Արմեն Բրուտյանը Ռիո դե Ժանեյրոյում անցկացված Բրազիլիայի առաջնության կիսաեզրափակիչում 7 հնարավորից վաստակեց 4,5 միավոր եւ 54 մասնակիցների մեջ գրավեց 10-րդ տեղը:

6,5 միավորով մրցաշարի հաղթող դարձավ գրոսմայստեր Ռաֆայել Լեյտաոն: