Շանթի «հեղափոխությունն» անտեր չի մնալու. սպասվում են նման ևս մի քանի «վսպիշկաներ»` նույն «մասկաներով»

«Հրապարակը» գրում է, թե առաջիկայում Շանթ Հարությունյանը կարող է կալանքից ազատվել: Հիշեցնենք, որ նա վերջին անգամ բանտում հայտնվել էր 2008-ի մարտի 1-ից հետո` «Յոթի գործով»: 7-ից մեկն ինքն էր, դատարանը հաշվի առավ նրա հոգեկան վիճակը. նա ոչինչ չէր ուտում` հայտարարելով, որ ԿԳԲ-ն ուզում է իրեն թունավորել, այրել էր իր բարձը: Նրան նախ տեղափոխեցին Նուբարաշենի հոգեբուժարան, ապա ազատ արձակեցին:

Որոշ տվյալներով` «անոնիմուս» դիմակներով Շանթի «հեղափոխությունն» անտեր չի մնալու և միակը չի լինելու: Մոտ 10 օրից սպասվում են նման ևս մի քանի «վսպիշկաներ»` նույն «մասկաներով»: Ոմանք կարծում են` Հելոուինի օրը նախագահական տարված դդումը ևս այս շարքից էր. Գայ Ֆոքսի դիմակներով «զինված» բողոքավորները նախապատրաստվում են էլ ավելի հետաքրքիր «էքշընի»:

Ըստ «հեղափոխականներին» մոտ կանգնած աղբյուրների` այս անգամ լիդերը բոլորովին այլ մարդ կլինի, որովհետև «անոնիմուսը» խորհրդանիշն է անլիդեր հեղափոխության, ինչպես որ արաբական աշխարհում էր. պետք է ֆետիշացնել դիմակը, որի տակ կարող են տարբեր ուժեր ու գործիչներ հանդես գալ` անփոփոխ թողնելով հիմնական խաղացող-ղեկավարին: Խնդիրը հեղափոխական վիճակ ստեղծելն է, զանազան «էքշընների միջոցով» իրենց շարժումը ճանաչելի դարձնելն ու ժողովրդին ոտքի հանելը:

Արևմտյա՞ն է ձեր պրոյեկտը, թե՞ պրոռուսական՝ հարցրինք մեր զրուցակցին: «Պրոյեկտի ողջ հմայքն էլ հենց այն է, որ ոչ մեկը չի կարող գլխի ընկնել, թե ինչ է այն. մի օր մի ուժը կարող է մտնել դիմակի տակ, մյուս օրը` մեկ այլ. երկուսի գումարը կբերի ընդհանուր նպատակի իրականացման»:

Մանրամասները` «Հրապարակ»-ի այսօրվա համարում: