Բոլորովին պարտադիր չէր պարտվել. Կլոպ

Չեմպիոնների լիգայի խմբային փուլի 4-րդ տուրում սեփական հարկի տակ «Արսենալին» պարտվելուց հետո Դորտմունդի «Բորուսիայի» գլխավոր մարզիչ Յուրգեն Կլոպը նշել է.

«Բոլորովին պարտադիր չէր այս խաղում պարտվել, սակայն մենք դեռ խմբից դուրս գալու հնարավորություն ունենք: Ամեն ինչ հնարավոր է, եթե մենք հաղթենք մյուս երկու խաղերում: Մենք, իհարկե, մի քանի սխալ թույլ տվեցինք։ Ոչ մի կերպ չէինք կարողանում գոլ խփել: Ոչ ոք չպետք է հիասթափվի թիմի խաղից: Ֆուտբոլիստները շատ բաներ ճիշտ կատարեցին: Գիտենք, որ հաջորդ երկու խաղերում հաղթելը դժվար կլինի, սակայն հավատում ենք մեր ուժերին: Առաջադրանքն իրականանալի է, և մեզ բավական է միայն այն, որ մենք դա գիտենք»,-Կլոպի խոսքերը մեջբերում է ՈւԵՖԱ-ի պաշտոնական կայքը: