««Սպարտակի» հետ բարդ խաղ է լինելու, քանի որ Մովսիսյանն ուժեղ է». Լոմբերտս

«Զենիթի» պաշտպան Նիկոլաս Լոմբերտսը Չեմպիոնների լիգայի խմբային փուլում սեփական հարկի տակ «Պորտուի» հետ 1:1 խաղալուց հետո հայտարարել է, որ Ռոււսաստանի առաջնության շրջանակներում «Սպատակի» հետ հանդիպմանն այնքան էլ հեշտ չի լինելու:

Ռուսաստանի առաջնության 10-րդ տուրի այս հանդիպումը տեղի է ունենալու նոյեմբերի 10-ին:

«Չգիտեմ` ինչպես գնահատեմ խաղը: Դժվար է ասել, թե ինչն է բաց թողած գոլի պատճառը: Դժվար էր «Պորտուի» առաջատարին դիմակայելը: Սակայն կարծում եմ` լավ էինք պատրաստվել Մարտինեսին պահելու համար: Սակայն հաջորդ խաղում՝ «Սպարտակի» հետ հանդիպմանը, հեշտ չի լինելու, քանի որ նրանց հարձակվողը՝ Մովսիսյանը, նույնպես ուժեղ է»,- ֆուտբոլիստի խոսքերը մեջբերում է championat.com-ը: