Նոր սերնդի ՀԴՄ-ներն առաջինը ներդրվելու են Հայաստանում

Ինչպես երեկ լրագրողներին հայտնեց պետական եկամուտների կոմիտեի փոխնախագահ Վախթանգ Միրումյանը, նոր սերնդի ՀԴՄ-ները դեռեւս որեւէ այլ երկրում դեռ չեն գործարկվել եւ առաջինը ներդրվելու են Հայաստանում: Նա տեղեկացրեց, որ այդ ՀԴՄ-ները ցուցահանդեսում ցուցադրված են եղել որպես նորույթ:

Ըստ ՊԵԿ փոխնախագահիՙ դրանք ունեն բացառիկ ֆունկցիոնալ հնարավորություններ: Նախ' բացառում են ծրագրային միջամտությունները, ինչը հարկային վարչարարության տեսանկյունից ամենաառաջնային խնդիրն է, ապա' տնտեսվարող սուբյեկտները հնարավորություն կունենան ՀԴՄ-ի միջոցով դուրս գրելու հարկային հաշիվներ, այնուհետեւ' նաեւ ոչ կանխիկ եղանակով վճարումներ իրականացնելու: Այս մասին Վախթանգ Միրումյանը խոսեցՙ պատասխանելով այն հարցին, թե ինչո՞ւ են այդ ՀԴՄ-ներն այդքան թանկ եւ ինչո՞ւ է ներմուծում պետությունը: Ըստ ՊԵԿ փոխնախարագահիՙ ներկրողը պետական «ՀԴՄ ներդրման գրասենյակ» ՊՈԱԿ-ն է, որ շահույթ ստանալու նպատակ չի հետապնդում, բայց եթե շահույթ գոյանա, ուղղվելու է պետական բյուջե:

Մանրամասները` «Ազգ»-ի այսօրվա համարում: