Այս բոլոր տարիների մեր ջանքերը ձախողվել են կամ մոտ են ձախողման
Հայկական Մամուլ
«Հրապարակ»-ի խմբագրականում Արմինե Օհանյանը գրում է.
Խորիմաստ վերլուծություններից, կատարվածի քաղաքագիտական, պատմագրական ու աշխարհաքաղաքական քննարկումներից հոգնած ընթերցողին ուզում եմ առաջարկել մի պարզ էքսկուրս կատարել դեպի ոչ հեռավոր անցյալ: Անկախ պետություն ստեղծելու փորձերի ճանապարհին մենք բավականին շատ բան ենք տեսել, հեղափոխություն և հեղաշրջում, պատերազմ և լճացում, տնտեսական կարճատև վերելքներ և տևական վայրէջքներ, ընտրություններ և հանրաքվեներ, հանրահավաքներ և պայքարի բազում այլ դրսևորումներ: Դրանք բոլորը, եթե շատ կարճ ձևակերպենք, ուղղված են եղել մի նպատակի՝ ինչպես անել, որ մեր երկիրը կայանա, մեր կյանքը բարելավվի: Անգամ արցախյան երկարուձիգ էպոպեան դրան է ուղղված՝ հզոր, միավորված, հայի բնակության համար բարեկեցիկ ու ապահով երկրի ստեղծմանը: Թերևս, մեծ քաջություն և ազնվություն է հարկավոր այսօր՝ 2013-ին խոստովանելու համար, որ այս բոլոր տարիների մեր ջանքերը ձախողվել են կամ մոտ են ձախողման: Պատերազմը հաղթել ենք, բայց դրա արդյունքներն ամրագրել չենք կարողանում:
Քվեարկություններ կազմակերպել ենք, բայց արդար ընտրություններ անցկացնել չի ստացվում: Օրենքներ ընդունել ենք, բայց դրանք կիրառել չենք կարողանում: Օրենսդիր մարմին ենք ստեղծել, կառավարություն ենք ձևավորել, ընտրում ենք նախագահ՝ հինգ տարին մեկ, համայնքապետեր ու գյուղապետեր, բայց նրանցից ոչ մեկի աշխատանքից գոհ չենք: Կուսակցություններ ունենք, բայց կուսակցական կյանք չկա: Մարդու իրավունքների պաշտպանության տարբեր կոնվենցիաներ ենք ստորագրել, Մարդու իրավունքների պաշտպանի ինստիտուտ ենք ձևավորել, բայց ոչ մեկի իրավունքները մեր երկրում պաշտպանված չեն: Կրթօջախներ ունենք, բժշկական հիմնարկներ, բայց ոչ որակյալ կրթություն կա, ոչ բարձրորակ առողջապահություն:
Մանրամասները' «Հրապարակ»-ի այսօրվա համարում:
ՈՒՂԻՂ ԵԹԵՐ
Ամենադիտված 
Էդուարդ Շարմազանովի քավորությամբ տեղի է ունեցել Գագիկ Մելիքյանի որդու հարսանիքը
