Ցանկանում եմ՝ Իկեր Կասիլյասը դառնա Չեմպիոնների լիգայի հաղթող. Անչելոտի

Մադրիդի «Ռեալի» գլխավոր մարզիչ Կարլո Անչելոտին հերթական անգամ հայտարարել է, որ շատ է գնահատում թիմի դարպասապահ Իկեր Կասիլյասին:

Իտալացի մասնագետն Իսպանիայի առաջնության հանդիպումներում մադրիդյան թիմի դարպասը վստահում է Դիեգո Լոպեսին, իսկ ահա Չեմպիոնների լիգայի խաղերում «Արքակայական ակումբի» դարպասը պաշտպանում է Իկեր Կասիլյասը:

«Իկերը և Դիեգոն երկու ֆենոմեն են: Արդեն ասել եմ, որ չեմ ցանկանում դառնալ Կասիլյասի՝ «Ռեալից» հեռանալու պատճառը: Ցանկանում եմ, որ նա դառնա Չեմպիոնների լիգայի հաղթող»,-Անչելոտիի խոսքերը մեջբերում է իսպանական մամուլը: