«Մատ թափ տվողների հետ ես ամեն օր շփվում եմ». Հովիկ Աբրահամյանն` Արարատում (տեսանյութ)

Արարատ քաղաքում ավարտվեց նոյեմբերի 9-ին նշանակված քաղաքապետի ընտրություններից առաջ ՀՀԿ թեկնածու Հայկ Հայկյանի վերջին հանրահավաքը։ Հանրահավաքին մասնակցում էին նաեւ ԱԺ նախագահ Հովիկ Աբրահամյանը, Արարատի պատգամավոր Արայիկ Գրիգորյանը եւ մարզպետ Արամայիս Գրիգորյանը։

«Քիչ առաջ մեր պարոն մարզպետը մի քիչ վիրավորված էր մատ թափ տվողներից, բայց դուք պատկերացնում եք` այդ մատ թափ տվողների հետ ես ամեն օր շփվում եմ, և իրենց մատ թափ տալը ուղղակի որևէ լուրջ ավարտ չի ունենում, միշտ ձախողվում է: Պիտի խնդրեմ պարոն մարզպետին և բոլոր արարատցիներին` այն պատգամավորները, ովքեր չարաշահել են իրենց պահվածքը և մատ են թափ տվել, թող ըմբռնումով մոտենան: Ես իրենց փոխարեն, որպես ԱԺ նախագահ, ներողություն եմ խնդրում իրենց վատ պահվածքի համար: Ես չեմ կարծում, որ նման պահվածքը ի օգուտ իրենց է աշխատելու: Յուրքանչյուր մարդ ունի իր արժանապատվությունը, և կոնկրետ արարատցին թույլ չի տա որևէ մեկին` այլ տարածքից այցելի և մատ թափ տա արարատցու վրա: Ես դա համարում եմ ոչ կոռեկտ, մեղմ ասած: Իրենք պետք է հասկանան, որ դա ունենալու է իր բացասական ազդեցությունը ընտրությունների արդյունքի վրա»,- արարատցիների հետ հանդիպմանն ասաց ԱԺ նախագահ Հովիկ Աբրահամյանը: 

Տեսանյութը`panorama.am-ի