Արարատում ավարտվել են քաղաքապետի ընտրությունները. քվեարկությանը մասնակցել է 8931 արարատցի

Ժամը 20:00-ին ավարտվեցին Արարատի քաղաքապետի արտահերթ ընտրությունները:

Lurer.com-ի թղթակցի փոխանցմամբ` ընտրություններին մասնակցել է 8931 արարատցի կամ ընտրելու իրավունք ունեցողների 67.57%-ը (քվեարկելու իրավունք ունեցող քաղաքացիների թիվը՝ 13218):

Հիշեցնենք, որ առաջադրված թեկնածուների թիվն ի սկզբանե եղել է 3-ը՝ «Բարգավաճ Հայաստան» կուսակցության կողմից առաջադրված Սամվել Բարսեղյանը, ՀՀԿ-ի կողմից առաջադրված անկուսակցական Հայկ Հայկյանը և ինքնառաջադրված Սամվել Գասպարյանը, սակայն վերջինս դուրս եկավ պայքարից՝ ինքաբացարկ հայտնելով: