«Ձեռքներն է ընկել մի ինտելիգենտ, և որոշել են հաշվեհարդար տեսնել». Հենրիկ Հովհաննիսյանը` Վարդան Պետրոսյանի մասին

ՀՀ գլխավոր դատախազ Գեւորգ Կոստանյանին եւ ՀՀ Կոտայքի մարզի դատախազ Վազգեն Ռշտունուն մի խումբ անվանի արվեստագետներ նամակ-երաշխավորագիր են ուղղել՝ ի պաշտպանություն սիրված դերասան Վարդան Պետրոսյանի: Նրանք պահանջում են անհապաղ փոխել Վարդան Պետրոսյանի խափանման միջոց կալանքը՝ անձնական երաշխավորությամբ՝ հիմք ընդունելով այդ երաշխավորագիրը. գրում է aravot.am-ը:

Մտավորականները վստահեցնում են, որ Վարդան Պետրոսյանը չի խուսափի դատաքննությունից եւ չի խոչընդոտի գործընթացին: Նրանց մի մասն այսօր ասուլիսով հանդես եկավ «Հայելի» ակումբում: Նկարչուհի Զարուհի Մուրադյանն ասաց, որ իրենց նպատակն է ժամ առաջ փոխել խափանման միջոցը եւ Վարդան Պետրոսյանին տանել բուժման: Ըստ նկարչուհու, հիմքը, որով կալանավորել են Վարդանին, բոլորովին իրավական չէ: Տիկնիկային թատրոնի տնօրեն Ռուբեն Բաբայանը նախ խորին ցավակցություն հայտնեց զոհվածների հարազատներին, ասելով, որ կիսում է զոհվածների ընտանիքներին պատուհասած ցավը, ապա անդրադարձավ խափանման միջոցին: «Վարդան Պետրոսյանը եւս տուժել է, տարել է վիրահատություններ: Նա հայտարարել է, որ չի խուսափում այն պատասխանատվությունից, որը կորոշի դատարանը: Մենք արդարադատությունից սպասում ենք արդարադատություն, ոչ թե դաժան վերաբերմունք: Չեմ կարծում, որ քննությունը դրանից կշահի: Չեմ կարծում, որ Վարդան Պետրոսյանը, ստանալով նորմալ բուժում, կարող է խուսափել պատասխանատվությունից, ինքը դա հաստատել է արվեստագետի իր բարձր կոչումով: 

Շարունակությունն` այստեղ: