Արարատի ընտրություններում երկու կողմն Էլ իրենց ուզածին հասան

«Հրապարակ» օրաթերթն այսօրվա խմբագրականում գրում է.

«Կիրակի օրը Արարատում տեղի ունեցած քաղաքապետի ընտրությունները շուրջ երկու ամիս իրենց վրա Էին բևեռել ողջ հանրապետության ուշադրությունը: Այն վերածվել Էր իսկական փորձադաշտի. երկու «գիգանտներ» որոշել Էին ուժի ցուցադրության, հակառակորդին իր տեղը ցույց տալու ներկայացում բեմադրել. ՀՀԿ-ն մտադիր Էր ապացուցել, որ իր դեմ խաղ չկա, ԲՀԿ-ն՝ որ ինքը դեռ ձիու վրա Է, և ՀՀԿ-ին հաղթելու համար ընդամենը մի լավ մոբիլիզացիա Է իրենց հարկավոր: Ըստ Էության, սա այն սակավաթիվ դեպքերից Էր, երբ երկու կողմն Էլ իրենց ուզածին հասան. ՀՀԿ-ն հաղթեց, չնայած ԲՀԿ-ն ստարտային առավելություն ուներ՝ ցեմենտի գործարանի 2 հազար ընտրողների տեսքով, իսկ ԲՀԿ-ն Էլ այնքան փոքրիկ տարբերությամբ՝ ընդամենը 330 ձայնով պարտվեց, որ, կարելի Է ասել, բարոյական հաղթանակ տարավ: Բայց մեծ հաշվով ժողովուրդը՝ ընտրողը, կրկին պարտվեց:

Պարտվեց, քանի որ հաղթողը ոչ թե ամենաարժանի թեկնածուն Էր, և մրցակցությունն Էլ ազնիվ Էր, ու պայքարն արդար, այլ պարտվեց ադմինիստրատիվ լծակներին, կուսակցական խժդժություններին, փողին, Հայաստանում ձևավորված ընտրական կուռ մեխանիզմներին, որոնք ոչ մի կապ չունեն ընտրությունների գաղափարի հետ: Այս ողջ տխուր գործընթացում, այնուամենայնիվ, մի ուրախացնող երևույթ կա: Եթե ուշադիր եղաք՝ Արարատ քաղաքի ընտրողների ցուցակներում առկա Էր 13 հազար 218 անուն: Եթե անգամ ընդունենք, որ դրանք իրական թվեր Էին՝ առանց մեռյալ անձանց, առանց բացակաների, ապա քվեաթերթիկների հաշվարկից հետո պարզվեց, որ քվեարկել Է 8 հազար 921 մարդ: Այսինքն, չի քվեարկել 4 հազար ընտրող: Նույնիսկ եթե ենթադրենք, որ ընտրություններին մասնակցել Է ոչ թե ընտրողների 70, այլ 90 տոկոսը, ապա կնշանակի՝ շատ քիչ մարդ Է արտագաղթել Արարատից, ինչը չի կարող չուրախացնել»:

Մանրամասները` «Հրապարակ»-ի այսօրվա համարում: