Դու այն ես, ինչ ուտում ես…

Մարսողությունը գործընթաց է, որը գիտելիքներ և ուշադրություն է պահանջում: Շատերը հիանալի գիտեն, որ աղիները մարսողական համակարգի մի մասն են, որոնց ֆունկցիան է սննդի լրացուցիչ մարսողությունը և սննդարար նյութերի յուրացումը:

Եվ շատերին է ծանոթ «Դու այն ես, ինչ ուտում ես» արտահայտությունը:

Այդ դեպքում, ինչպես է, որ մենք այդքան թերի պատկերացում ունենք մարսողության վերաբերյալ, ինչպես նաև, թե ինչպես պետք է հոգ տանենք ներքին օրգանների առողջությանը: Չէ որ հսկայական մեքենայի պես, որի շարժիչի լավ աշխատանքի համար լավորակ վառելիք է պետք, մեր օրգանիզմին էլ լավորակ սնունդ է պետք:

Եվ մարսողական համակարգում խաթարումներ են առաջանում մարսողական համակարգում աղիների գործընթացի վերաբերյալ թերի գիտելիքների պատճառով:

Մենք կխոսենք մի քանի պատճառների մասին, թե ինչու պետք է սեփական աղիների հանդեպ «մեծ հարգանք դրսևորել»:

Այն վերահսկում է տրամադրությունը

Էներգիա ստանալու նպատակով, որն անհրաժեշտ է կենսագործունեության համար, օրգանիզմը սննդարար նյութերի կարիք ունի, որոնք ստանում է սննդից: Սննդարար նյութեր ստանալն անհրաժեշտ է նաև ճիշտ և անհրաժեշտ քանակությամբ հորմոններ արտադրելու համար, որոնք անհրաժեշտ են կյանքի բարձր որակն ապահովելու համար: Օրգանիզմը գտնվում է օրգանիզմում արտադրվող հորմոնների հսկողության տակ: Եթե հորմոններից մեկը ՙշարքից դուրս է գալիս՚, մյուսները դադարում են միմյանց հետ ներդաշնակ համագործակցել: Եվ որքան քիչ է սնունդը սննդարար նյութեր պարունակում, այնքան աղքատիկ է դառնում օրգանիզմի հորմոնային հավասարակշռությունը և այդքան վատանում է կյանքի որակը: Հետևաբար, տրամադրությունն էլ անկայուն է դառնում ու ավելի հակված բացասական երանգների:

Մարդն հանկարծ զգում է, որ վատացել է հիշողությունը: Լիովին հավանական է, որ անբավարար է դոպամին հորմոնի մակարդակը: Սկսել է անտարբեր դառնալ սիրային հարաբերություններում' չի բավարարում տեստոստերոնը: Դադարել է առաջվա պես եռանդուն լինել ու պաշտպանված զգալ' անհրաժեշտ է ավելացնել սերոտոնինի մակարդակը: Իսկ, եթե կինը իրեն ՙտգեղ ու անվստահ՚ է զգում, հնարավոր է, որ էստրոգենի և պրոգեստերոնի մակարդակներն են անհավասարակշիռ վիճակում: Այս ցուցակը կարելի է երկար շարունակել: Հետևաբար, եզրակացությունը մեկն է. քիչ սննդարար նյութերի պարունակության պատճառով, սննդամթերքից մարդն ստանում է վատ տրամադրություն:

Աղիները վերահսկում են իմունային համակարգը

Աղիներում կենտրոնացված է իմունային համակարգի 60%-ից ավելին: Այստեղ իրավացի է նաև «լավ մանրէների» քանակը լրացնելու գովազդը: Քանի որ լավ և վատ մանրէները մեծ դեր են խաղում աղիների միկրոֆլորայի հավասարակշռությունը պահպանելու առումով: Դա նշանակում է, եթե օրգանիզմում լավ մանրէների անբավարարություն է, դժվար թե օրգանիզմը սննդից ստանա առավելագույն օգուտը: Դա կողմնակիորեն ազդում է ողջ օրգանիզմի վրա, որովհետև օրգանիզմի յուրաքանչյուր բջիջը սնվում է օրգանիզմ ներմուծված սննդամթերքով: Դրան կարելի է նաև այլ տեսանկյունից մոտենալ, եթե մարդը սնվում է առողջ սննդով, բայց, նախկինի պես, իրեն այնքան էլ լավ չի զգում, նշանակում է լավ և վատ մանրէների հավասարակշռությունը դեռ խախտված է:

Ավելի վատն այն է, որ լավ և վատ մանրէների միջև հավասարակշռության խախտումը կարող է հանգեցնել իմունիտետի նվազմանը և մարդն այդ պատճառով սկսում է ավելի հաճախ հիվանդանալ: Եվ վիտամին C-ի ոչ մի քանակ չի կարող վիճակը շտկել: Եվ օգնելու եղանակներից մեկը պրոբիոտիկ ըմպելիքներ խմելն է:

Աղիները վերահսկում են ցավերն ու հիվանդությունները

Եվ դա իրականություն է, որ մարդու օգտագործած սննդամթերքն ազդում է ինքնազգացողության վրա: Սննդային ալերգիաներն ու սննդամթերքը չմարսելը, չնայած տարբեր բաներ են, բայց երկուսն էլ աղիների աղքատ միկրոֆլորա են ստեղծում: Եվ երկուսն էլ օրգանիզմում տարբեր ցավեր են առաջացնում, որոնցից են հոդացավերը, որովայնի փքվածությունը, գլխացավերը, գազերը, մկանային ցավերը, հիշողության թուլացումը և այլն:

Ո՞րն է ելքը: Հարկ է հիշել, եթե ձեզ մոտ առկա է վերոհիշյալ ախտանշաններից որևէ մեկը, ապա այն կարող է հրահրված լինել այս կամ այն սննդամթերքով, նշանակում է' պետք է որոշել թե որ մթերքն է տկարության պատճառը:

Ամենից հաճախ մարսողության հետ խնդիրներ են առաջացնում սոսնձանյութերը, լակտոզան և ընկուզեղենը, այսինքն կաթնամթերքը, հացահատիկն ու հացը և ընկույզը: Եթե այս մթերքն օգտագործելիս մարսողության հետ խնդիրներ են առաջանում, հարկ է բժշկական հետազոտություն անցնել` որոշակիության համար: Քանի որ ալերգիան կամ մարսողության հետ խնդիրները, եթե քրոնիկական ձևի են անցնում, կարող են անընդհատ նվազեցնել իմունիտետը:

Աղիները վերահսկում են քունը

Այն հանգամանքով, թե մարդն ինչպիսի սնունդ է օգտագործում, երբ է սնվում և ինչպես է այն յուրացվում աղիների կողմից, պայմանավորված է քնի որակը: Եթե դուք սնվում եք ուշ երեկոյան, քնելուց կես ժամ առաջ, ձեր օրգանիզմին մարսողության լրացուցիչ հրահանգ եք տալիս: Այսինքն օրգանիզմին ստիպում եք ավելորդ էներգիա ծախսել, որն էլ վերցվում է քնի բաժնից: Քնի որակի վրա ազդում է նաև սննդամթերքի տեսակը և դրա մարսողության աստիճանը: Որոշ դեպքերում հնարավոր է նաև անկանոն քուն և անքնություն:

Աղիները վերահսկում են ուշադրության կենտրոնացումը

Սրա վրա ևս հարկ է հատուկ ուշադրություն դարձնել: Շատերը հիշողության և ուշադրության կենտրոնացման հետ խնդիրներ ունեն: Բայց այս հարցը կարգավորելը դյուրին է: Բավական է աղիների համար լավ պայմաններ ստեղծել և արդյունքում հնարավոր է լինում ավելի շատ աշխատել, լավացնել արտադրողականությունը:

Ուշադրության կենտրոնացման խանգարում լինում է երկու դեպքում: Առաջինը, երբ շատ եք ուտում, օրգանիզմը կենտրոնանում է մարսողության պրոցեսի վրա և ավելի քիչ էներգիա է մնում մյուս բաների համար, այդ թվում և ուշադրության կենտրոնացման: Երկրորդը, ոչ ճիշտ սնվելը, այսինքն սնունդը կամ ձեզ էներգիա է տալիս, կամ խլում է ձեր էներգիան: Դա հաղթահարելը շատ դյուրին է: Հարկ է սնվել առողջ սննդակարգով, օգտագործելով էներգիայով հարուստ սննդամթերք. բանջարեղեն, միրգ, միս, ձուկ, ընկույզ:

med-practic.com