ՎՏԲ-ն հերքում է. «Միկա Ցեմենտ»-ի աշխատակիցների առջև ստանձնած աշխատավարձային պարտավորությունները չեն խախտվել

ՎՏԲ-Հայաստան Բանկը հանդես է եկել հայտարարությամբ` «Ժողովուրդ» օրաթերթում 13.11.13թ. հրապարակված ոչ ստույգ տեղեկատվության առնչությամբ:

Թերթում տպագրվել էր նյութ ՎՏԲ-Հայաստան Բանկին պատկանող «Միկա Ցեմենտ»գործարանի աշխատակցի մահվան վերաբերյալ նրան 5 ամսվա աշխատավարձ չվճարելու պատճառով:

ՎՏԲ-Հայաստան Բանկը «Միկա Ցեմենտ» ՓԲԸ 100% սեփականատեր է դարձել 2013թ. հուլիսից: Հուլիսից էլ ՎՏԲ-Հայաստան Բանկը տրամադրել է ձեռնարկությանը ֆինանսավորում ստորագրած համաձայնագրի շրջանակներում:

Ֆինանսավորումը կատարվել է «Միկա Ցեմենտ» գործարանի պարտքերի մարման պարտավորությունների կատարման, այդ թվում նաև աշխատավարձերի վճարման նպատակով: Շնորհիվ ստացված միջոցների` «Միկա Ցեմենտ» ցեմենտի գործարանը վերականգնել է իր աշխատանքը, որը դադարեցվել էր ընկերության կողմից պարտքային պարտավորությունների չկատարման պատճառով:
Այսպիսով, 5 ամսվա աշխատանքային պարտք աշխատակիցների հանդեպ ձեռնարկությունը չուներ: Բանկի կողմից ֆինանսավորման մասին տեղեկությունը Բանկը հրապարակել է 18.07.2013 (http://ru.vtb.am/about/news/280989/).

Հրապարակված նյութի ոչ հավաստի բնույթի հետ կապված Բանկը կայացրել է որոշում հայց ներկայացնել ընդդեմ «Ժողովուրդ» օրաթերթի՝ Բանկի գործարար համբավն արատավորող տեղեկություն տարածելու համար:

Այժմ «Միկա Ցեմենտ» ընկերությունն աշխատում է սովորական ռեժիմով: Արտադրանքի մատակարարումն իրականացվում է ժամանակացույցին համապատասխան:

«ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ»ե ԲԲԸ հանդիսանում է ‚ՎՏԲ-Հայաստան Բանկե ՓԲԸ 100% բաժնետոմսերի փաթեթի միանձնյա բաժնետերը։ Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի ամենալայն մասնաճյուղային ցանցը ողջ երկրում` 67 մասնաճյուղ:

Հիշեցնենք, որ երեկ «Ժողովուրդ» թերթը գրել էր, որ 2013թ. հունիսից Հրազդանի «Միկա ցեմենտ» ընկերության կառավարումն անցել է «ՎՏԲ Հայաստան բանկ» ՓԲԸ-ին: Սա տեղի է ունեցել այն բանից հետո, երբ հայտնի գործարար Միխայիլ Բաղդասարովը հայտարարել է, որ իրենք գնում են դեպի սնանկացում: Ու թեեւ «ՎՏԲ»-ն իր պաշտոնական կայքում հպարտորեն գրել է, թե «Միկա ցեմենտ» գործարանի աշխատանքը վերականգնվել է՝ շնորհիվ բանկի կողմից ստացված ֆինանսավորման, այնքան էլ այդպես չէ: Բանն այն է, որ բանկը հրաժարվել է վճարել գործարանի շատ աշխատակիցների աշխատավարձերը, ինչը վերջերս հանգեցրեց դժբախտության: «Ժողովուրդ»-ը գրել էր, որ հոկտեմբերի 31-ին «Միկա ցեմենտ»-ի աշխատակից 49-ամյա Արմենը գնացել էր գործարան եւ պահանջել իր 5 ամսվա չստացած աշխատավարձը, սակայն տնօրինությունը հրաժարվել էր վճարել: Երբ նա դուրս էր եկել, կինն էր զանգահարել նրան եւ հետաքրքրվել` արդյոք ստացել է աշխատավարձը: Արմենն էլ, խորը հոգոց հանելով, ասել էր, թե փող չկա, ու հենց գործարանի մուտքի մոտ սրտի կաթվածից տեղում մահացել էր:

«ՎՏԲ-Հայաստան Բանկ» ՓԲԸ

Գովազդի և հասարակայնության հետ կապերի բաժին