Աշխարհի առաջնությունն իմ կարիքը ավելի շատ ունի, քան Ռոնալդուինը. Իբրահիմովիչ

Շվեդիայի հավաքականի հարձակվող Զլատան Իբրահիմովիչն աշխարհի առաջնության շրջանակներում Պորտուգալիայի ընտրանու հետ անցումային խաղից առաջ հայտարարել է, որ երկրպագուներն ավելի շատ ցանկանում են իրեն տեսնել առաջնության խաղերում, քան պորտուգալացի Կրիշտիանու Ռոնալդուին:

Պորտուգալիա-Շվեդիա հանդիպումը տեղի կունենա վաղը, պատասխան հանդիպումը՝ նոյեմբերի 19-ին:

«Կարծում եմ` աշխարհի առաջնությունն իմ կարիքն ավելի շատ ունի, քան Ռոնալդուինը: Ես հադիսականներին կարող եմ ավելի շատ էմոցիաներ տալ, իսկ այնպես, ինչպես ես եմ կարող գոլեր հեղինակել, ոչ ոք չի կարող: Կարծում եմ, որ երկրպագուները Բրազիլիայում ցանկանում են ինձ տեսնել: Հարգում եմ Ռոնալդուին որպես խաղացող. կասկած չկա, որ նա աշխարհի լավագույն ֆուտբոլիստներից է»,- Իբրահիմովիչի խոսքերը մեջբերում է Daily Mail-ը: