Այսօր կոմպոզիտոր Էդուարդ Բաղդասարյանի ծննդյան օրն է

Կոմպոզիտոր Էդուարդ Բաղդասարյանը ծնվել է 1922թ. նոյեմբերի 14-ին Երևանում:

1947թ. ավարտել է Երևանի Կոմիտասի անվան պետական կոնսերվատորիայի դաշնամուրի, 1950թ.` կոմպոզիցիայի դասարանները:

1951-53թթ. կատարելագործվել է Մոսկվայի Հայ մշակույթի տան երաժշտական ստուդիայում:

1956-66թթ. ղեկավարել է ՀԽՍՀ ռադիո և հեռուստատեսության գործիքային կվինտետը: 1961-87 թթ դասավանդել է Երևանի կոնսերվատորիայում (1982 թ.` պրոֆեսոր): Գրել է սիմֆոնիկ պոեմ (1950 թ.), նախերգանք սիմֆոնիկ նվագախմբի համար (1953 թ.), «Շախմատ» բալետը (1940 թ.), ռապսոդիա ջութակի և նվագախմբի համար (1958 թ.), դաշնամուրի կոնցերտ (1978 թ.), դաշնամուրային 24 պրելյուդ (1948-60 թթ), կվինտետ (1952 թ.), երգեր, ռոմանսներ, թատերական և կինոերաժշտություն, կատարել հայկական ժողովրդական պարերի դաշնամուրային մշակումներ (1976 թ.): «Տժվժիկ» ֆիլմում օգտագործվել է նրա երաժշտությունը։ 196 թ. արժանացել է ՀԽՍՀ արվեստի վաստակավոր գործչի կոչմանը:

Մահացել է 1987թ. նոյեմբերի 5-ին Երևանում:

avproduction.am