«Օրենքով քցվածները». քաղաքացիները պատրաստ են դիմել ծայրահեղ քայլերի

«Տոնուս» ՍՊԸ-ի կողմից Դավիթաշեն վարչական շրջանի 2-րդ թաղամասում 44/4 և Փափազյան 118/1-ում կառուցվող բազմաբնակարան բնակելի շենքերի բնականատերերը մոտ 70 հոգով մտել են «Արցախբանկի»` Սայաթ-Նովա փողոցում գտնվող Նաիրիի մասնաճյուղ` պահանջելով վերադարձնել իրենց բնակարանները:

Վերջիններս նշում էին, որ պատրաստ են գիշերել բանկում: Բանկ է եկել նաև ոստիկանությունը: Վերջիններս փորձել են դուրս բերել խաբված բնակարանատերերին բանկից։

Բնակիչներից մի քանիսին ընդունել է «Արցախբանկի» Նաիրիի մասնաճյուղի կառավարիչը: Բնակիչները բանավոր կերպով բանկի կառավարչին ներկայացրել են խնդրի լուծման իրենց առաջարկը:

Վերջիններս պատրաստ են վճարել բնակարանի համար արդեն իսկ վճարված գումարից ավելին` քառակուսի մետրի համար 50 դոլար: 

Բնակիչներին ասվել է, որ առաջարկը բանկին պետք է ներկայացնեն գրավոր:

Այսպիսով` կարող ենք արձանագրել հերթական ապօրինի գործողությունը Հայաստանի Հանրապետության քաքաղաքացու և նրա մասնավոր սեփականության նկատմամբ: Քաղաքացիները փորձում են ուժերի գեր լարումով խնդրին լուծում տալ, սակայն բնակիչներին անհայտ պատճառներով` հարցի լուծումը ձգձգվում է:

Հիշեցնենք, որ ավելի վաղ քաղաքացիները բողոքի ցույց էին անցկացնում Կենտրոնական բանկի դիմաց: