Հանդբոլի միջազգային 4-րդ մրցաշարը՝ Երևանում

Նոյեմբերի 28-30-ը Երևանի «Դինամո» մարզասրահում կանցկացվի «Հայաստանի Հանրապետության վարչապետի գավաթ» հանդբոլի միջազգային 4-րդ մրցաշարը, որին կմասնակցեն Հայաստանի, Ռուսաստանի, Ուկրաինայի, Վրաստանի երիտասարդական հավաքականները. տեղեկացնում է Հայաստանի հանդբոլի ֆեդերացիայի պաշտոնական կայքը:

Արժանավորներին պարգևներ են սպասում: Ուժեղագույն ճանաչված հավաքականին կհանձնվի գլխավոր մրցանակը` գեղեցիկ գավաթը:

Կպարգևատրվեն նաև տարբեր` 7 գծերի լավագույն խաղացողները:

Հատուկ մրցանակ է սահմանված նաև լավագույն ռմբարկուի համար: