Մայր ու աղջիկ՝ «ընդդեմ» հայրիկի. ո՞ւր է Աիդա Սարգսյանը

Վերջին շրջանում հայ երգիչ-երգչուհիների արդեն հասուն ու կայացած սերունդը, կարծես, պասիվացել է՝ տեղը զիջելով նորահայտներին: Իր նոր ծրագրերի, ներկայիս զբաղվածության և եթերներում քիչ երևալու պատճառների մասին Life.panorama.am-ը զրուցեցինք երգչուհի Աիդա Սարգսյանի հետ:

-Ձեր մասին վերջերս քիչ ենք լսում: Արդյոք ստեղծագործական դադա՞ր եք հայտարարել:

-Եթե խոսքը հեռուստատեսությանն է վերաբերվում, ապա ես սիրում եմ մասնակցել երաժշտական ծրագրերին, չեմ սիրում նստել, խոսել: Նախանձով եմ նայում, երբ ռուսական հեռուստաընկերություններով տեսնում եմ տարբեր ծրագրեր, որտեղ երգիչ-երգչուհիները ներկայանում են ողջ իրենց շնորհիվ ու, երբեմն, նաև երաժշտական այլ ժանրերում բացահայտվում: Մեզ մոտ նման ծրագիր միայն «Երգ երգոցն» է, այլ նման ծրագրեր, հետաքրքիր հաղորդումներ, ցավոք սրտի, չկան… Ամեն դեպքում, թեև եթերային առումով այժմ պասիվ եմ, բայց ստեղծագործական դադարի մեջ չեմ: Ունենում եմ մենահամերգներ տարբեր երկրներում: Բոլորովին վերջերս վերադարձա Ռուսաստանի դաշնությունից, դրանից առաջ ԱՄՆ-ում էի…:

-Բայց կարծեք հին տեսագրություններ էլ չեն ցուցադրվում: Դա գովազդի՞ խնդիր է:

-Չգիտեմ, ինչով է պայմանավորված: Միգուցե հեռուստաընկերությունների պայմանների մեջ է մտնում ավելի հաճախ նոր երգեր ներկայացնել եթերով: Կարծում եմ՝ սխալ է այդ դրվածքը, քանի որ հեռուստաընկերությունները պետք է ունենան նաև սիրված, համբավ վայելող երգիչ-երգչուհիների կատարումներ, որոնք թիթեռի կյանք չունեն: Ամեն դեպքում, երևի ժամանակի ընթացքում ամեն ինչ իր տեղը կընկնի: Դա հեռուստաընկերությունների բիզնես-գործունեությունն է հավանաբար:

-Իսկ նոր երգեր չե՞ք պատրաստում:

-Իհարկե պատրաստում եմ, այսօր նաև դրանց վրա եմ աշխատում: Հետագայում պարզ կլինի՝ որ երգի հիման վրա տեսահոլովակ կնկարահանենք: Հուսամ, հաջորդ տարվա մեջ կարող եմ տեսահոլովակ ներկայացնել:

Շարունակությունը` այստեղ: