ՀՀԿ-ն բոյկոտում է, ընդդիմությունը` պայքարում, ակտիվիստները` սատարում

Ինչպես գիտենք, կենսաթոշակային հիմնադրամի ստեղծման հետ կապված բողոքների արդյունքում ընդդիմությունը 44 ստորագրություն էր հավաքել ԱԺ արտահերթ նիստ անցկացնելու նախաձեռնությամբ, որի ընթացքում պետք է քննարկվեր կուտակային կենսաթոշակային բարեփոխումների օրենքից պարտադիր բաղադրիչի գործադրումը 2014-ի հունվարի 1-ից 2015-ի հունվարի 1 տեղափոխելու հարցը:

Հանրապետական կուսակցությունը նիստից րոպեներ առաջ քաղաքական որոշում է կայացրել բոյկոտել նիստը` քվորում չապահովել: Ըստ կանոնակարգի` ևս երկու գրանցում կլինի՝ ժամը 13:30-ին և 14:30-ին:

Նշենք նաև, որ այս պահին ԱԺ-ի դիմաց հավաքվել են տասնյակ ակտիվիստներ` ընդդիմադիր պատգամավորներին սատարելու:

Նրանց ձեռքին կան պաստառներ` «Մենք ուզում ենք ունենալ ընտրության իրավունք», «Ձեռքներդ հեռու մեր աշխատավարձերից» գրառումներով:

Լուսանկարը` Արեգ Գևորգյանի ֆեյսբուքյան էջից