Ասում էի, որ հանդիպման ֆավորիտը Պորտուգալիան է. Իբրահիմովիչ

Շվեդիայի հավաքականի հարձակվող Զլատան Իբրահիմովիչն անդրադարձել է Աշխարի 2014-ի առաջնության անցումային փուլի` Պորտուգալիայի և Շվեդիայի միջև առաջին հանդիպմանը: Պայքարն ավարտվել է պորտուգալացիների հաղթանակով` 1:0 հաշվով:

«Մեզ չհաջողվեց հավասարեցնել հաշիվը: Մենք վտանգավոր պահ գրեթե չէինք ստեղծում: Կարող էինք ավելի լավ խաղալ, սակայն դա հեշտ չէ: Դեռևս խաղից առաջ ասում էի, որ հանդիպման ֆավորիտը Պորտուգալիան է: Նրանք շատ լավ խաղացողներ ունեն: Արտագնա խաղում ոչ ոքին վատ արդյունք չէր լինի: Սակայն 0:1 հաշվով պարտվելն ավելի լավ է, քան 0:2 հաշվով պարտությունը»,–Իբրաիմովիչի խոսքերը մեջբերում է  Record-ը: