Հայ աղանդավոր կանայք պաշտոնյաներից գաղտնիքներ են կորզում Թուրքիային տրամադրելու համար. ՄԵԼ
Հայաստան
Ոմն Կիմայի ղեկավարությամբ` Հայաստանում գործում է նոր աղանդ, որը կոչվում է «Արևաբուժություն»: Այս մասին այսօր մամուլի ասուլին հայտարարեց Միացյալ երիտասարդական լիգայի համանախագահ Սևակ Հովհաննիսյանը: Աղանդը վարում է հակաքրիստոնեական գործունեություն: Ըստ ծիսակարգի` տիկին Կիման հավաքներից առաջ բոլոր անդամներին նույն բաժակով թեյ է տալիս, որ խմեն:
«Իրենք թուրքերի հետ եղբայրության մասին են խոսում»,-ասաց Սևակ Հովհաննիսյանը և կարծիք հայտնեց, որ աղանդավորները Թուրքիայից են ֆինանսավորվում:
Վերջինիս խոսքով` հավաքները տեղի են ունենում Փարաքարում, մասնակցում են 30-ից ավելի միայն կանայք, որոնց քարոզում են տղաների հետ հարաբերություններ ունենալ ինֆորմացիա ստանալու նպատակով, այսինքն` ազգային անվտանգության, պետական գաղտնիքներ իմանալու համար: Նա խոստացավ, որ շուտով փաստեր կհրապարակեն: «Բոլոր աղանդները լուրջ վտանգ են սպառնում ազգային անվտանգությանը»,-ասաց Սևակ Հովհաննիսյանը:
Ասուլիսին մասնակցում էր նաև սոցիալական հոգեբան Իզաբելա Ղազարյանը, ում խոսքով` Հայաստանում միայնակ կանայք շատ են, և հնարավոր է` հեշտությամբ են նրանց ներքաշում նման հավաքների մեջ:
«Թմրանյութերի և աղանդի ազդեցությունը նույնն է: Աղանդը խլում է մեր մտքի ազատությունը»,-ասաց հոգեբանը:
ՈՒՂԻՂ ԵԹԵՐ
Ամենադիտված 
Վիճաբանությունն ավարտվել է ողբերգությամբ․ 22-ամյա երիտասարդը սպանել է մորն ու քրոջը, 11-ամյա քույրը ծանր վիճակում է
