Bundesliga.de Մխիթարյանն ընդդեմ Գյոտցեի

Բունդեսլիգայի պաշտոնական կայքը Գերմանիայի առաջնության 13-րդ տուրում «Բորուսիայի» և «Բավարիայի» միջև կայանալիք խաղից առաջ զուգահեռներ է անցկացրել Հենրիկ Մխիթարյանի և Մարիո Գյոտցեի միջև:

«Մխիթարյանը դեռ Գյոտցեի ստվերում է» անունը կրող հոդվածում գրված է.

«Սկզբում նա հայտնի չէր, իսկ այժմ նրա անունը բոլորի շուրթերին է: Հենրիկ Մխիթարյանն իր տեղը գտավ Դորտմունդի «Բորուսիայի» հիմնական կամզում: Գյոտցեի հեռանալուց հետո հայ ֆուտբոլիստը կրում է նրա 10 համարի մարզաշապիկը: Ներկա պահին «Բորուսիայի» նորեկը երբեմն զիջում է Գյոտցեին: Գերմանիայի առաջնությունը Հենրիկը սկսեց վնասվածքով, ինչի պատճառով էլ բացակայում էր թիմի առաջին խաղին: Դրանից բացի` «Նյուրնբերգի» հետ խաղից հետո Մխիթարյանը միշտ մեկնարկային կազմում էր: Նա առավել տպավորիչ էր «Համբուրգի» (6:2) և «Շտուտգարտի» (6:1) հետ հանդիպումներում: Կարելի է առանձնացնել նաև Ֆրանկֆուրտում կայացած խաղը, որտեղ նրա դուբլը օգնեց թիմին հաղթել դժվարին խաղում: Եթե 24-ամյա ֆուտբոլիստի մոտ խաղը չի ստացվում, ապա թիմը նույնպես խնդիրներ է ունենում: Առավել ևս Գյունդողանի բացակայության ժամանակ Կլոպի թիմին պակասում է ևս մեկ ֆուտբոլիստ: «Բորուսիային» պակասում է նաև Գյոտցեն: Գյոտցեն ավելի վտանգավոր է մրցակցի դարպասների մոտ և ավելի դիպուկ է խաղում:

21-ամյա ֆուտբոլիստին «Բորուսիայում» վերջին մրցաշրջանում գոլ խփելու համար միջինը պահանջվում էր 5 հարված դեպի դարպասը: Մխիթարյանին գոլ խփելու համար պահանջվում է միջինը 8 հարված: Ընդհանուր առմամբ` «Բորուսիան» այս մրցաշրջանում պահերի իրացմամբ աչքի է ընկնում բավականին ցածր արդյունավետությամբ: 100 տոկոսանոց պահեր իրացնելու առումով Գյոտցեն կրկին ավելի արդյունավետ էր դորտմունդյան թիմում անցկացրած վերջին մրցաշրջանում նա օգտագործել է իր հնարավորությունների 44,4%-ը, իսկ Մխիթարյանը՝ 33,3%-ը: Արդյունքում` հայ կիսապաշտպանը դարպասներին մոտ գոծողությունների ժամանակ դեռևս հավասարազոր չէ Գյոտցեին: Մեկ խաղում Մխիթարյանը գնդակին դիպում է միջինը 54,9, իսկ Գյոտցեն  66 անգամ: Սակայն Մխիթարյանն իր արագությամբ և համբերատարությամբ գերազանցում է Գյոտցեին: 24-ամյա հայը խաղում միջինը մոտ 31 արագացում է կատարում, իսկ գերմանացին կատարում էր 22 արագացում: Շաբաթ օր կայանալիք հանդիպմանը այս երկու ֆուտբոլիստներն առաջին անգամ դուրս կգան միմյանց դեմ: Ե՛վ Գյոտցեի, և՛ Գերմանիայի առաջատարի հետ դորտմունդցիները կրկին հույսը կդնեն Մխիթարյանի խաղային ուժեղ կողմերի վրա` հույս ունենալով, որ Մխիթարյանի արագությունը և համբերատարությունը կրկին որոշիչ դեր կունենան խաղի ելքի վրա»: