«Բարսելոնան» բանակցություններ է սկսել Մարկո Ռոյսի գործակալի հետ

Դորտմունդի «Բորուսիայի» կիսապաշտպան Մարկո Ռոյսը նախկինի պես գտնվում է կատալոնյան «Բարսելոնայի» ուշադրության կենտրոնում:

Օրերս կատալոնացիների մարզական տնօրեն Անդոնի Սուբիսարետան բանակցել է ֆուտբոլիստի գործակալի՝ Ֆոլկեր Շտրուտի հետ. տեղեկացնում է Goal.com-ը:

Հիշեցնենք, որ Ռոյսի պայմանագիրը գերմանական ակումբի հետ ավարտվում է 2017-ին, իսկ 2015-ից ուժի մեջ է մտնում ֆուտբոլիստի նկատմամբ իրավունքների ձեռքբերման կետը, համաձայն որի` Ռոյսի՝ թիմը լքելու հրաժարագինը կազմում է 35 մլն եվրո:

Գերմանիայի առաջնության ընթացիկ մրցաշրջանի 12 տուրերում Ռոյսը հեղինակել է 7 գոլ և կատարել 5 արդյունավետ փոխանցում: