«Հանդիպում». նոր տեսահոլովակ (ֆոտո, տեսանյութ)

Արդեն համացանցում է հայտնվել Երևանի Կոմիտասի անվան պետական կոնսերվատորիայի մագիստրատուրայի ժողերգեցողության բաժնի առաջին կուրսի ուսանող Հայկ Համբարձումյանի առաջին տեսահոլովակի թրեյլերը:

Երգը կոչվում է «Հանդիպում»: Խոսքի և երաժշտության, ինչպես նաև գործիքավորման հեղինակը Արսեն Գրիգորյանն է, ռեժիսորը՝ Խաչիկ Եղոյանը: 

Lurer.com-ի թղթակիցը նոր տեսահոլովակի կապակցությամբ զրուցեց երգչի հետ:

«Ժողովրդական երգն ինձ հոգեհարազատ է: Մանկուց ստեղծագործում եմ այդ ժանրում: Կարծում եմ` հայ հասարակությունը սիրում է մեր ժողովրդական երգերը և ամեն անգամ նոր շունչ հաղորդում դրանց` մատուցելով դրանք նորովի:

Մենք՝ այդ ժանրում ստեղծագործողներս, չպետք է թույլ տանք, որ մեր երգերը, մեր ժողովրդական արվեստը նույն տեղում դոփեն, ուստի` ես ճիշտ համարեցի տեսահոլովակիս հիմքում դնել ժողովրդական երաժշտությունը` համեմված էստրադային երանգներով,-ասում է երգիչն ու հավելում,-Տեսահոլովակս տարիքային բոլոր խմբերին է ուղղված, և յուրաքանչյուր մարդ իր սիրո պատմությունը կարող է գտնել այնտեղ»:

Երգչի խոսքով՝ երգը սիրո մասին է, բայց` ոչ տխուր ավարտ ունեցող սիրո...

Լուսանկարները՝ նկարահանման հրապարակից