ՖԻՖԱ-ն Իսպանիա - ՀԱՀ հանդիպումը ոչ պաշտոնական է ճանաչել

Իսպանիա-ՀԱՀ ընկերական հանդիպումը ՖԻՖԱ-ի կողմից չի ճանաչվել պաշտոնական խաղ. տեղեկացնում է Eye Witness News-ը` հղում անելով ՖԻՖԱ-ի մամլո ծառայությանը:

Նման որոշման պատճառն այն է, որ հանդիպման մրցավարը թույլատրել է իսպանացիներին Վիկտոր Վալդեսի վնասվածքից հետո կատարել 7-րդ փոփոխությունը: Սակայն թույլատրելի փոփոխությունները չպետք է գեազանցեն 6-ը: Խաղի արդյունքը հաշվի չի առնվի ՖԻՖԱ-ի դասակարգման նոր աղյուսակը կազմելիս, և ազգային հավաքականների կազմում ֆուտբոլիստների մասնակցությամբ խաղերի քանակը չի ավելանա: