ԱՄՆ-ի փոխնախագահը փող է պարտք վերցրել ուտելիքի համար

ԱՄՆ-ի փոխնախագահ Ջո Բայդենը ստիպված է եղել իր օգնականից 10 դոլար գումար պարտք վերցնել սրճարանում ուտելիքի դիմաց վճարելու համար. գրում է USA Today-ը:

Փոխնախագահը որոշել էր ուտելիք գնել նախագահ Բարաք Օբամայի հետ Վաշինգտոնում բացված Capriotti's սրճարանների ցանցում ավանդական ճաշ անցկացնելու համար: Սակայն գրպաններում բավական քանակությամբ գումար չհայտնաբերելով՝ նա դիմել է իր օգնականին՝ խնդրելով 10 դոլար պարտք տալ:

Սրճարանի աշխատակիցը առաջարկել է անվճար վերցնել սենդվիչը՝ իբրև հյուրասիրություն, սակայն Բայդենը հրաժարվել է:
Վերադարձրել է արդյոք նա պարտքը իր օգնականին, չի հաղորդվում: