«Կամպ Նոու» մարզադաշտի 520 ելքերը կկրեն ակումբի նախկին ֆուտբոլիստների անունները

Կատալոնական «Բարսելոնայի» նախագահ Սանդրո Ռոսելը թիմի վետերանների հետ հանդիպմանը հայտարարել է, որ ակումբի մարզադաշտի բոլոր ելքերը կկրեն թիմի մեծագույն ֆուտբոլիստների անունները:

«Ի պատիվ մեր վետերանների՝ ունենք մի նախագիծ, համաձայն որի՝ «Կամպ Նոու» մարզադաշտի ելքերը կրելու են ակումբի նախկին ֆուտբոլիստների անունները: Ֆուտբոլիստներին ընտրելու ենք՝ ելնելով թիմում անցկացրած խաղերից»,–Ռոսելի խոսքերը մեջբերում է  Sport.es-ը:

Նշենք, որ «Կամպ Նոու» մարզադաշտն ունի 520 ելք: