Աննա Պանի. «Անուններ չեմ ասի, որ երազանքս իրականանա» (ֆոտո)

«Տաքսի էլի լավ ա», «Նիկոլայի վերջին անեծքը», «Ռենջերու», «Սպիտակ գայլերի որս», «Եզրագծից այն կողմ», «Որբերը», «Դիմակահանդես», «Ներիր ինձ» ֆիլմերից և հեռուստասերիալներից հեռուստադիտողին հայտնի դերասանուհի, այժմ նաև DJ Աննա Պանին սիրով համաձայնեց և պատասխանեց ESem.am-ի բլից հարցերին:

- Ե՞րբ ես առաջին անգամ բեմ բարձրացել:

- Առաջին բեմելս եղել է 14-15 տարեկանում, երբ դպրոցին զուգահեռ թատերական խմբակ էի հաճախում, որին հաջորդեցին ուսանողական, ավելի ուշ նաև պրոֆեսիոնալ բեմերը:

- Քանի՞ տարի ես բեմում:

- Թատրոնի բեմում եղել եմ երեք տարի, գումարած ուսանողական տարիները, մեծ ցավով պետք է նշեմ, որ այժմ թատրոնում չեմ:

- Դու` քո դերերի մասին:

- Ցանկացած կերպար դերասանի մի մասնիկն է, նրա «ես»-երից մեկը: Իմ մարմնավորած կերպարներն ու խաղացած դերերն էլ իմ էության արտահայտումներից են:

- Մարմնավորածդ դերերից ո՞րն է քեզ առավել հոգեհարազատ:

- Եթե կերպարը հոգեհարազատ և սիրելի չլինի (անկախ նրանից դրակա՞ն է, թե` բացասական) մարմնավորումը ծանր ու ձանձրալի է դառնում: Իմ խաղացած բոլոր դերերի մեջ էլ ունեմ ընդունելի և անընդունելի կողմեր:

- Թատրոնի կամ կինոյի բնագավառում կա՞ մեկը, ում քո կուռքն ես համարում:

- Առհասարակ ոչ մի ասպարեզում կուռքեր չունեմ: Կան սիրված արտիստներ, որոնց գործունեությանը հաճույքով հետևում եմ, փորձում օրինակ վերցնել:

- Կա՞ դերասան, ում հետ կցանկանաս մի բեմում լինել կամ միևնույն ֆիլմում նկարահանվել:

- Մի շարք դերասաններ կան, հիմնականում ռուս արտիստներից, որոնց հետ նույն ֆիլմում կամ բեմում հանդես գալը մեծագույն երազանք է ինձ համար: Չեմ ուզում հստակ անուներ նշել, որ երազանքներս իրականանան:)

- Ո՞րն է եղել այս բնագավառում առաջին լուրջ ձեռքբերումդ:

- Իհարկե չեմ մոռանում անցյալում գրանցած հաջողություններս. հույս ունեմ, որ ապագայում դեռ շատ բարձունքների եմ հասնելու, շատ եմ կարևորում հանդիսատեսի համակրանքը:

- Ո՞վ է քո հայտնի ընկերը:

- Ընկերության մեջ չեմ կարևորում մարդու հայտնի ու անհայտ լինելը: Լավ ընկերներ ունեմ, ովքեր այլ բնագավառներում են հայտնի:)

- Ո՞վ է քո խորհրդատուն ու քննադատը:

- Առաջին ու լուրջ քննադատս ես եմ, հետո քույրս` Անժելան: Խորհուրդներ ու դիտողություններ ընդունում եմ բոլորից, եթե հասկանում եմ, որ տեղին են ու օբյեկտիվ:

Շարունակությունը` այստեղ: