Ռոնալդուն գոլերի քանակով հավասարվեց Սանչեսին

Մադրիդի «Ռեալի» ֆուտբոլիստ Կրիշտիանու Ռոնալդուն «Ալմերիայի» հետ խաղում Իսպանիայի առաջնություններում իր 164-րդ գոլը հեղինակեց մադրիդյան թիմի կազմում. տեղեկացնում է marca-ն:

Արդյունքում պորտուգալացին իր գոլերի քանակով հավասարվեց Ուգո Սանչեսին: Այժմ Ռոնալդուին գերազանցում են միայն Ռաուլը՝ 228 գոլ, Ալֆրեդո դի Ստեֆանոն՝ 216 և Սանտիլյանան՝ 186: 

Ընթացիկ մրցաշրջանում Լա լիգայի 14 տուրերում Ռոնալդուն հեղինակել է 17 գոլ և կատարել 4 գոլային փոխանցում: