Պատահարներ Երևանում. վրաերթեր, բախումներ, կտրուկ արգելակում

Նոյեմբերի 24-ին՝ ժամը 13.30-ից 14.00-ն ընկած ժամանակահատվածում, Երևանի Աբովյան փողոցի թիվ 22 հասցեի մոտ անհայտ ավտոմեքենայի վարորդը վրաերթի է ենթարկել 66-ամյա տղամարդու, որը մարմնական վնասվածքներով տեղափոխվել է հիվանդանոց:

Կատարվում է քննություն:

Նոյեմբերի 24-ին՝ ժամը 15.00-ի սահմաններում, «Միցուբիշի» մակնիշի ավտոմեքենայի վարորդը Ծիծեռնակաբերդի խճուղու թիվ 3 հասցեի մոտ վրաերթի է ենթարկել 17-ամյա աղջկա և նրան տեղափոխել հիվանդանոց:

Կատարվում է քննություն:

Նոյեմբերի 23-ին՝ ժամը 15.00-ին, «ԲՄՎ» մակնիշի ավտոմեքենայի վարորդը Երևանի Հալաբյան փողոցի թիվ 68 հասցեի դիմաց վրաերթի է ենթարկել 27-ամյա տղամարդու, որը մարմնական վնասվածքներով տեղափոխվել է հիվանդանոց:

Կատարվում է քննություն:

Նոյեմբերի 23-ին՝ ժամը 10.30-ին, Երևանի Վ. Սարգսյան փողոցի թիվ 9 հասցեի դիմաց անհայտ ավտոմեքենայի վարորդը վրաերթի է ենթարկել 45-ամյա տղամարդու, որը մարմնական վնասվածքներով տեղափոխվել է հիվանդանոց:

Կատարվում է քննություն:

Նոյեմբերի 24-ին՝ ժամը 07.30-ի սահմաններում, Երևանի Մաշտոցի պողոտայի և Վ. Կոստանյան փողոցների խաչմերուկում իրար են բախվել «Օպել Վեկտրա» և «ՎԱԶ-21063» մակնիշի ավտոմեքենաներ, ինչի հետևանքով «ՎԱԶ-21063»-ի 2 ուղևորները մարմնական վնասվածքներով տեղափոխվել են հիվանդանոց:

Կատարվում է քննություն:

Նոյեմբերի 23-ին՝ ժամը 14.30-ին, Երևանի Մաշտոցի պողոտայի թիվ 5 հասցեի դիմաց իրար են բախվել «ՎԱԶ-2101», «Մերսեդես-Բենց» և «ՎԱԶ-210610» մակնիշի ավտոմեքենաներ:

«ՎԱԶ-2101»-ի վարորդը մարմնական վնասվածքներով տեղափոխվել է հիվանդանոց:

Կատարվում է քննություն:

Նոյեմբերի 23-ին՝ ժամը 18.00-ին, Երևանի Աթենքի փողոցի թիվ 1 հասցեի մոտ իրար են բախվել «Լադա Կալինա», «Ռենո Լոգան» և «Ֆոլկսվագեն Տուառեգ» մակնիշի ավտոմեքենաներ:
«Լադա Կալինա»-ի ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն:

Նոյեմբերի 23-ին՝ ժամը 13.30-ին, Երևանի Աճառյան փողոցի թիվ 20 հասցեի դիմաց իրար են բախվել «Ֆոլկսվագեն Վենտո», «Ֆոլկսվագեն Գոլֆ» և «Հունդայի» մակնիշի ավտոմեքենաներ:

Պատահարի հետևանքով «Ֆոլկսվագեն Վենտո»-ի ուղևորը մարմնական վնասվածքներով տեղափոխվել է հիվանդանոց:

Կատարվում է քննություն:

Նոյեմբերի 24-ին՝ ժամը 13.30-ի սահմաններում, թիվ 259 համարի երթուղային ավտոբուսի վարորդը Երևանի Կոմիտասի պողոտայում կտրուկ արգելակել է, ինչի հետևանքով սրահում գտնվող 25-ամյա ուղևորուհին վայր է ընկել և մարմնական վնասվածքով տեղափոխվել է հիվանդանոց:

Կատարվում է քննություն: