Հաճելի չէ, երբ քեզ սուլում է ողջ մարզադաշտը. Գյոտցե

Մյունխենի «Բավարիայի» կիսապաշտպան Մարիո Գյոտցեն Բունդեսլգայի 13-րդ տուրում իր նախկին թիմի հետ խաղից հետո նշել է.

«Գիտեինք, որ այդ խաղը շատ հուզական է լինելու: Այնքան էլ հաճելի չէ, երբ քեզ սուլում է ողջ մարզադաշտը: Այնուամենայնիվ, որոշակիորեն հասկանում եմ երկրպագուներին:

Առաջին անգամ էի նման իրավիճակում հայտնվում, և ինձ համար հեշտ չէր հաղթահարել դա»,-ֆուտբոլիստի խոսքերը մեջբերում է գերմանական մամուլը:

Հիշեցնենք, որ մյունխենցիները հանդիպումը հաղթեցին 3:0 հաշվով, իսկ Գյոտցեն հեղինակեց իր թիմի առաջին գոլը: