«Ժողովուրդ». Զինդատախազին դուրս են գրելու

Առողջապահության նախարարի մամլո խոսնակ Շուշան Հունանյանը «Ժողովուրդ» թերթին տեղեկացրել է, որ ՀՀ զինդատախազ Գևորգ Կոստանյանը մինչև շաբաթվա վերջ հիվանդանոցից դուրս է գրվելու: «ժողովուրդ»- ը նշում է, որ Կոստանյանը շուրջ 10 օր է, ինչ գտնվում է «Նաիրի» բժշկական կենտրոնի վերակենդանացման բաժանմունքում: Նրա վիճակը կայուն է: Ըստ թերթի զրուցակցի' զինդատախազի մոտ ընդամենը արյան ճնշման տատանումներ են եղել, պարզապես հարազատները որոշել են հիվանդասենյակ չտեղափոխել, որպեսզի ավելի արագ կազդուրվի: Դրա համար էլ Կոստանյանը վերակենդանացման բաժանմունքից միանգամից կտեղափոխվի տուն: