Ամուսնության առաջարկ՝ «ամպե» գրառման ձևով

Բևերլի Հիլզի և Սանտա Մոնիկայի երկնքում հայտնվել է «ամպե» գրառում, որն իրենից ներկայացնում էր ամուսնության առաջարկ՝ ուղղված ոմն Միկկոյի: Այս մասին գրում է The Daily Mail-ը:

Գրությունը երկնքում արվել է օդաչուի կողմից, բայց արդյոք հենց նա է սիրահարը, թե պարզապես պատվերով է կատարել, հայտնի չէ:
Նման յուրօրինակ ամուսնության առաջարկը մեծ իրարանցում է առաջացրել սոցցանցերում և բլոգերների շրջանում: Նման միջոցով էլ տարածվել է կատարվածի լուսանկարը և տեսանյութը:

Պարզվել է, որ աղջիկն ընդունել է ամուսնության առաջարկը: Ավելի ուշ նման գրառում էլ է հայտնվել երկնքում. «Միկկոն ասաց՝ այո»:
Սիրահարների ինքնությունը դեռ պարզ չէ: