Վարչապետը հորդորեց համբերել

Այս շաբաթ ՀՀԿ ԳՄ նիստի օրը փոփոխության է ենթարկվել: Եթե ամեն անգամ նիստը տեղի է ունենում շաբաթվա հինգշաբթի օրը, այս անգամ այն տեղի ունեցավ այսօր` չորեքշաբթի:

Երբ վարչապետ Տիգրան Սարգսյանը շտապում էր` մասնակցելու նիստին, լրագրողները հասցրին հարցնել, թե ինչ ակնկալիքներ ունի նոյեմբերի 28-29-ին կայանալիք Վիլնյուսյան գագաթնաժողովից:

«Միայն դրական ակնկալիքներ ունենք: Լցվեք համբերությամբ. մեկ օրից ամեն ինչ պարզ կլինի»,- ասաց վարչապետը:

Ստորագրվելիք փաստաթղթի վերաբերյալ ևս Տիգրան Սարգսյանը հորդորեց մի փոքր համբերություն ցուցաբերել:

Հիշեցնենք, որ Սերժ Սարգսյանը նոյեմբերի 28-ին երկօրյա աշխատանքային այցով կմեկնի Լիտվայի հանրապետություն՝ մասնակցելու Վիլնյուսում կայանալիք Արևելյան գործընկերության պետությունների ղեկավարների գագաթնաժողովին: Վիլնյուսում նախագահը կմասնակցի Եվրոպական ժողովրդական կուսակցության և Արևելյան գործընկերության առաջնորդների հանդիպմանը: