Մխիթարյանն արդյունք ստեղծող ֆուտբոլիստ է. Կլոպ

Դորտմունդի «Բորուսիայի» գլխավոր մարզիչ Յուրգեն Կլոպն իր կարծիքն է հայտնել թիմի հայ կիսապաշտպան Հենրիկ Մխիթարյանի վերաբերյալ:

«Մխիթարյանը արդյունք ստեղծող ֆուտբոլիստ է: Նա ստիպված է եղել սովորել անհավանական քանակությամբ բաներ: Միևնույն ժամանակ նա դժվարություններն ավելի արագ է հաղթահարում, քան վերջին տարիներում թիմի մյուս նորեկները: Սպասում ենք և հույս ունենք, որ նա բարձրակարգ խաղ կցուցադրի յուրքանաչյուր խաղում»,-Կլոպի խոսքերը մեջբերում է ակումբի պաշտոնական կայքը: