«Ուղղակի հրաշք է նրա պատմելակերպի` այս աստիճան ջահելությունը». Սևակը` Դեմիրճյանի մասին

- «Սովետական գրականություն» ամսագրում տպագրվել էր «Վարդանանքի» առաջին մասը: Ոգևորված էր այն աստիճան, որ բացում էր ամսագրերի էջերը և բարձրաձայն կարդում իրեն դուր եկած հատվածները. «Մի տեսեք, թե ծերուկը (Դ. Դեմիրճյանը) ինչպես է նկարագրում Արսենի և Խորիշայի սերը, ինչպես է պատմում Վարաժի ձիավարժության մասին, ինչպես է ներկայացնում Մարտիրոսի խորոված պատրաստելու արարողությունը: Ուղղակի հրաշք է նրա պատմելակերպի այս աստիճան ջահելությունը: Ծերուկը գերազանցեց ոչ միայն բոլորին, այլև ինքն իրեն»:

Դառնում էր նաև Դեմիրճյանի պատումի «անկանոնություններին», «Սիրում եմ անգամ նրա ոճի անկազմակերպվածությունը, նրա «փլվածքները»: Լավ է որ այդպես է, ինչպես` կյանքը` անկարգ ու ցրված, ինչպես պատմությունը` հազար ու մի զիգզագներով ու կնճիռներով»:

Սուրեն Աղաբաբյան «Դասականներ և ժամանակակիցներ» (Պարույր Սևակի հետ` համալսարանական տարիներին):