Բարաք Օբամայի հորեղբորը թույլատրել են ապրել ԱՄՆ-ում
ԱՄՆ
Բոսթոնի դատարանը թույլատրել է ԱՄՆ-ի նախագահ Բարաք Օբամայի հորեղբորը` Օնյանգո Օբամային մնալ երկրում և գրին-քարտ ստանալ. գրում է CNN-ը: Պետության ղեկավարի հորեղբորը դեպորտ էր սպառնում, քանի որ նա մի քանի տասնամյակ ապրել է ԱՄՆ-ում ապօրինի կերպով:
Դատարանը որոշումը կայացրել է`ելնելով դաշնային օրենքից, որը թույլատրում է մինչև 1972թ. հունվարը ԱՄՆ ժամանած ներգաղթյալներին մնալ այդ երկրում օրինական հիմքերով: Դատարանը կարևորել է, որ Օբաման երկար տարիներ աշխատել է մթերային խանութում, վճարել է հարկերը և պարտաճանաչ մուծել բնակարանի վարձը:
Նրա փաստաբանը հայտարարել է, որ իր պաշտպանյալը դատը արդար է շահել, և նախագահ Բարաք Օբաման դրա հետ ոչ մի առնչություն չի ունեցել:
69-ամյա Օնյանգո Օբաման Քենիայից ԱՄՆ էր ժամանել 1969-ին սովորելու նպատակով և պետք է լքեր երկիրը 1970-ականների սկզբին: ԱՄՆ-ի իշխանությունները բազմիցս նրան դեպորտի ենթարկելու որոշում էին կայացրել, սակայն նա չէր ենթարկվել: ԶԼՄ-ները տեղեկացան Օբամայի հորեղբոր գոյության մասին, երբ 2011-ին հա արբած վիճակում բախվել էր ոստիկանական մեքենային:
Բարաք Օբաման պնդում է, թե երբեք չի հանդիպել իր այդ հորեղբոր հետ, սակայն վերջինս նշել է, որ ԱՄՆ-ի նախագահաը ուսանողական տարիներին մի քանի շաբաթ ապրել է իր տանը:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
