«Բարսելոնան» բանակցում է Սերխիո Ագուերոյի գործակալի հետ

Կատալոնական «Բարսելոնան» նախկինի պես հետաքրքրված է  «Մանչեսթեր Սիթիի» ֆուտբոլիստ Սերխիո Ագուերոյի ծառայություններով:

«Կապտանռնագույնների» ներկայացուցիչները բանակցում են Արգենտինայի հավաքականի 25-ամյա ֆուտբոլիստի գործակալի հետ:

Ինքը՝ Ագուերոն, դեմ չէ տեղափոխվել կատալոնյան ակումբ և միևնույն թիմում հանդես գալ հավաքականում իր խաղընկեր Լիոնել Մեսսիի հետ. տեղեկացնում է sport.es-ը:

Նշենք, որ ֆուտբոլիստի ծառայություններով հետաքրքրված է նաև «Ռեալը»:

Անգլիայի առաջնության ընթացիկ մրցաշրջանի 12 խաղում Ագուերոն դարձել է 10 գոլի հեղինակ և կատարել է 6 արդյունավետ փոխանցում: