Հայերի երեկույթները Մոնակոյում. երբ հավաքվում է ամբողջ աստղաբույլը (լուսանկարներ, տեսանյութ)

Այս տարվա օգոստոս ամսին Մոնակոյի Le sporting sale des etoiles սրահում կայացել է հեղինակավոր Russian Diamond Ball երեկույթը:

Երեկույթի կազմակերպիչը Համլետ Հովհաննիսյանն է՝ EVENT AGENCY & PRODUCTION CENTER «COUR DU ROI» կազմակերպության ղեկավարը: Սա կազմակերպության առաջին միջոցառումն էր՝ կազակերպված Մոնակոյի կոմսությունում: Տոնահանդեսի բարձրաշխարհիկ հյուրերի շարքում էին եվրոպական թագավորական ընտանիքների ներկայացուցիչներ, Հայաստանից, Ռուսաստանից, Ուկրաինայից ժամանած շոու-բիզնեսի, կինոաշխարհի ներկայացուցիչներ, համաշխարհային լրատվամիջոցները ներկայացնող անձինք՝ շուրջ 320 հոգի:

Հյուրերին սպասում էր բարձրաճաշակ երաժշտական համարներ, ինչպես նաև` աճպարարի մասնակցությամբ ներկայացում և այլ զվարճանքներ: Երեկույթին իրենց մասնակցությունն են ունեցել այնպիսի հնչեղ անուններ, ինչպիսիք են Սան-Ռեմոյի սիմֆոնիկ նվագախումբը, Դենի Լարիի աճպարարական շոուն, Ավրաամ Ռուսոն, «Ինֆինիտի» կլասիկ շոուն և այլք:

Հեքիաթային երեկույթին անդրադարձել են համաշխարհային խոշորագույն հեռուստաընկերություններն ու հրատարակությունները:

Երեկույթի ամբողջ հասույթը տրամադրվել է Աննա Ֆեոդորովայի ֆոնդին, որը գործում է Ռուսաստանում: Ֆոնդի նպատակն է օգնել հիվանդ երեխաներին՝ առանց ազգության և կրոնական պատկանելության:

Ի դեպ, Համլետ և Վահան Հովհաննիսյան եղբայրների կողմից հիմնադրված «COUR DU ROI» ընկերությունը բազմապրոֆիլ գործունեություն է ծավալում: Ընկերությունը կազմակերպում է կոորպորատիվ երեկույթներ, էլիտար հարսանեկան և ծննդյան տոնակատարություններ ամբողջ աշխարհում: «COUR DU ROI»ը մեծ համբավ ունի ԱՄՆ-ում, Իտալիայում, Ֆրանսիայում, Իսպանիայում, Գերմանիայում և այլ երկրներում:

Ընկերության ղեկավար Համլետ Հովհաննիսյանը մեզ հետ զրույցում նշեց, որ նախատեսված է ընդլայնել երեկույթների աշխարհագրությունը: Մասնավորապես, առաջիկայում Diamond Ball-եր կանցկացվեն նաև Լաս Վեգասում, Լոնդոնում, Մակաո կղզում, Սինգապուրում: Ընկերությունը նախատեսում է նաև բարձր մակարդակի «Միսս Եվրոպա» գեղեցկության մրցույթի անցկացում, որն իր որակով չի զիջի համաշխարհային նմանատիպ իրադարձություններին:

Ի դեպ, «COUR DU ROI»-ի սեփական նախագծերից է նաև «Ինֆինիտի կլասիկ շոուն» և «Королевский двор» կամերային նվագախումբը: