Ստյոպա Սաֆարյանը և Անահիտ Բախշյանը դատական հայց կներկայացնեն «Что? Где? Когда?» հեռուստախաղի դեմ

Ստյոպա Սաֆարյանը հայտարարություն է տարածել, որում մասնավորապես ասվում է.

Ես եւ իմ գործընկեր Անահիտ Բախշյանը որոշել ենք դատական հայց ներկայացնել «Արմենիա» հեռուստաընկերությամբ հեռարձակվող «Что? Где? Когда?» հեռուսատախաղի դեմ՝ հեռարձակողից եւ կազմակերպիչից պահանջելով խաղի հայերեն լեզվով վարում եւ հեռարձակում, իսկ պահանջը չկատարելու դեպքում՝ հեռարձակման դադարեցում: Իբրեւ նախաձեռնողներ կոչով դիմում ենք բոլոր այն քաղաքացիներին, մտավորականներին, ովքեր հայցադիմումին միանալու ցանկության կունենան, աշխատանքային ժամերին կապվել մեզ հետ՝ Երեւանի ավագանու «Բարեւ Երեւան» խմբակցության հեռախոսահամարներով՝ 51-41-60, թողնել հեռախոսահամարները եւ անուն ազգանունները հետադարձ կապի համար: Քիչ անց կստեղծվի նաեւ ֆեյսբուքյան խումբ, որտեղ առաջիկա օրերին քննարկման կդրվի հայցադիմումը:

Անահիտ Բախշյան եւ Ստյոպա Սաֆարյան