Պուտինի Հայաստան այցի դրական հետևանքը` ըստ Էդուարդ Շարմազանովի

ԱԺ փոխնախագահ, ՀՀԿ-ական Էդուարդ Շարմազանովը ՌԴ նախագահ Վլադիմիր Պուտինի` ՀՀ այցից հետո հայտարարել էր, թե շուտով Հայաստանի քաղաքացիներն իրենց մաշկի վրա կզգան այցի դրական հետեւանքները: «Ռուսաստանը նվազեցնում է Հայաստանին մատակարարվող գազի սակագինը` 1000 խմ-ի դիմաց նախկին 270 դոլարի փոխարեն սահմանելով 189 դոլար: Սա դրակա՞ն է, թե՞ ոչ մեր քաղաքացիների համար»,-ասել էր նա: Շարմազանովի հայտարարություններից հետո, սակայն, պարզ դարձավ, որ ՀՀ քաղաքացիների համար գազի սակագինը մնալու է նույնը, ասել է թե՝ այցից հետո որեւէ փոփոխություն չի լինի: «Ժողովուրդ»-ի հետ զրույցում, սակայն, Շարմազանովը մեկնաբանեց, որ եթե ներկրման սակագինը մնար 270 դոլար, այդ ժամանակ գինը կբարձրանար, ու մարդիկ կզգային բացասական հետեւանքները, բայց քանի որ ներկրման սակագինը նվազել է, ՀՀ քաղաքացիները կշարունակեն օգտվել նույն գնով: Հետեւաբար, դա դրական է մեր քաղաքացիների համար:

Մանրամասները` «Ժողովուրդ»-ի այսօրվա համարում: