Եվրամայդանի ցույցը բռնի ցրողներին կարգելվի մուտքը ԵՄ

Ուկրաինայի մայրաքաղաք Կիևում նոյեմբերի 30-ին ցուցարարների նկատմամբ բռնություն կիրառած անձանց մուտքը ԵՄ կարգելվի, եթե նախագահ Յանուկովիչը պատիժ չկիրառի նրանց հանդեպ: Այս մասին շաբաթ երեկոյան հայտարարել է Եվրախորհրդարանի` արտաքին կապերի հարցերով հանձնաժողովի նախագահ Էլմար Բրոքը:

«Յանուկովիչը պետք է պատժի մեղավորներին: Ագրեսիան պետք է իր արժանի պատիժը ստանա», նշել է Բրոքը:

 Նրա խոսքերով` Եվրամիությունը երիտասարդների մեկնելու տեղն է,  ոչ թե քրեական տարրի:

Միաժամանակ, Կիևում չեն դադարում բողոքի ցույցերը: Այս պահին մի քանի հարյուր ցուցարար հավաքվել են Եվրամայդանում:

Ցուցարարները բարիկադներ են կառուցել հրապարակում, ուր չի դադարում մարդկանց հոսքը: Ըստ Риа Новостп ի տվյալների` մայդանում արդեն մի քանի հազար ցուցարար կա: