Ես կցանկանայի իմ այս ելույթը ընդունեիք ոչ թե որպես ելույթ, այլ` երդում ժողովրդի առաջ. Սասուն Միքայելյան
Քաղաքական
Այսօր` դեկտեմբերի 9-ին, ձևավորվել է «Քաղաքացիական պայմանագրի» կառավարման խորհուրդը:
Հանդիպման ժամանակ ելույթով հանդես եկավ «Սասուն» ջոկատի հրամանատար Սասուն Միքայելյանը:
«Մենք չենք գալիս ևս մեկով լրացնելու ներկայիս գործող կամ չգործող քաղաքական ուժերի շարքը, մենք գալիս ենք հստակ գիտակցելով, որ ժողովրդի այսօրվա հուսալքված վիճակը, որի միակ ելքը տեսնում է արտագաղթի մեջ, պահանջում է կոնկրետ քայլեր երկիրն այս վիճակից դուրս բերելու համար»,-ասաց նա:
Վերջինիս խոսքերով` դրա համար անհրաժեշտ է երկրի համար մտահոգ բոլոր մարդիկ` ազատամարտիկն ու մտավորականը, բանվորն ու գյուղացին, գործազուրկն ու ձեռներեցը, որպեսզի համախմբվեն նույն գաղափարի շուրջը:
«Մենք պետք է կարողանանք դառնալ այն նպաստող ուժը, որն իրականություն կդարձնի այդ համախմբումը: Ես ուզում եմ դիմել նաև իմ մարտական ընկերներին, որ այս օրհասական պահին մեզ անհրաժեշտ է համախմբվել: Ես կցանկանայի հիմա այս ելույթը ընդունեիք ոչ թե որպես ելույթ, այլ` երդում ժողովրդի առաջ: Չշեղվե՛լ բռնած ուղուց, անե՛լ ամեն ինչ, որպեսզի մնք կարողանանք տեսնել ժողովրդավար Հայաստան»,-ասաց Սասուն Միքայելյանը:
ՈՒՂԻՂ ԵԹԵՐ
Ամենադիտված 
Ջուր չի լինի հուլիսի 28-ին ժամը 07.00-ից մինչև հուլիսի 29-ը ժամը 07.00-ն
