Կոչումներ ու պարգևներ ԱԻՆ աշխատակիցներին
Հայաստան
Դեկտեմբերի 9-ին ԱԻ նախարարությունում տեղի է ունեցել հերթական ամենշաբաթյա խորհրդակցությունը, որը վարել է նախարար Արմեն Երիցյանը:
Փրկարար ծառայության փոխտնօրեն, գեներալ-մայոր Վ. Գաբրիելյանը զեկուցեց շաբաթվա ընթացքում գրանցված պատահարների և կատարված հանձնարարականների մասին։ Ավարտվել է փրկարար ծառայության կրտսեր անձնակազմի ատեստավորման գործընթացը։ Վ. Գաբրիելյանը զեկուցեց նաև, որ Սպիտակի երկրաշարժի տարելիցի կապակցությամբ Մոսկվայում կազմակերպված միջոցառման ժամանակ պարգևներ են հանձնվել ՀՀ և ՌԴ ԱԻՆ աշխատակիցներին, որոնք մասնակցել են Սպիտակի երկրաշարժի որոնողափրկարարական աշխատանքներին:
Ա. Երիցյանին զեկուցեցին, որ ընթացքի մեջ են Ստեփանավանի օդանավակայանի վերականգնման և ԱԻ նախարարության սերվերային կենտրոնի կառուցման աշխատանքները:
ՍՊԾ գործակալության պետ Հ. Պետրոսյանը տեղեկացրեց, որ շուտով Երևան են ժամանելու ֆրանսիացի մասնագետներ, որոնց հետ նախատեսվում է քննարկել Գառնու դիտարանի դեֆորմոգրաֆի հնարավոր փոխարինման հարցը:
Խորհրդակցության ավարտին ԱԻ նախարար Ա. Երիցյանը փրկարար ծառայության գնդապետի կոչում շնորհեց ՓԾ օպերատիվ կառավարման վարչության տարածքային ստորաբաժանումների գործունեությունը համակարգող բաժնի պետ Սամվել Հարությունյանին և Արարատի մարզային փրկարարական վարչության պետ Մուրադ Մարգարյանին:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
