ՀԱԿ-ի երթը մեկնարկեց

Արդեն հինգ տարի է՝ սկսած 2008-ից, դեկտեմբերի 10-ին Հայ ազգային կոնգրեսն անցկացնում է ավանդական դարձած երթը:

Այսօրվա երթը մեկնարկեց ժամը 13:00-ին Ազատության հրապարակում: Երթին ներկա էին ՀԱԿ խմբակցության պատգամավորներ Ստեփան Դեմիրճյանը, Լյուդմիլա Սարգսյանը, Արամ Մանուկյանը, Լևոն Զուրաբյանը, Գագիկ Ջհանգիրյանը:

Հայ ազգային կոնգրեսը երթը հրավիրել է կոնկրետ խնդիրներով՝ կենսաթոշակային պարտադիր վճարների դեմ, ուղևորափոխադրումների գնի աճի դեմ, գազի գնի աճի դեմ, էկոլոգիական խնդիրերի շուրջ իրենց բողոքի ձայնը բարձրացնող քաղաքացիներին, ինչպես նաև` Հայաստանի ապագայով մտահոգ քաղաքական ուժերին, քաղաքացիական նախաձեռնություններին: 

Երթի իրազեկումը ընդունված է ի գիտություն Երևանի քաղաքապետարանի թիվ 258 որոշմամբ: