5 հետաքրքիր փաստ ֆուտբոլի մասին. այսօր Ֆուտբոլի միջազգային օրն է

Այսօր ՄԱԿ-ի կողմից նշվում է Ֆուտբոլի միջազգային օրը: Սրա հետ կապված ձեր ուշադրությանն ենք ներկայացնում 5 հետաքրքիր փաստ ֆուտբոլի մասին:

1. Ֆուտբոլային ամենաերկար հանդիպումը տևել է 36 ժամ:

Ֆուտբոլի սիրահարները կարող են ֆուտբոլ խաղալ ավելի քան 90 րոպե: Ամենաերկար ֆուտբոլային հանդիպումը տեղի է ունեցել 2009-ի ապրիլի 11-12-ը և տևել 36 ժամ:

Խաղը տեղի է ունեցել Մեծ Բրիտանիայում՝ Բրիտանիայի ֆուտբոլի ակադեմիայի և «Լիդս Բեջերսի» միջև 285–255 հաշվով: Ամենաշատ գոլը հեղինակել է Ադամ Մակֆին` 75 գոլ:

Յուրաքանչյուր թիմում խաղացել է 18-ական ֆուտբոլիստ, յուրաքանչյուրը` 18 ժամ:

2.Գրենլանդիան չի կարող ընդգրկվել ՖԻՖԱ-ի կազմում, քանի որ կղզում քիչ քանակությամբ խոտ է աճում:

ՖԻՖԱ-ի նախագահը պնդում է, որ խոտածածկի պակասը և եղանակային պայմանները խանգարում են ֆուտբոլային թիմի պատշաճ պրակտիկայի անցկացմանը:

3. Ֆուտբոլում գրանցված ամենախոշոր հաշվով հաղթանակը եղել է 149:0:

Ֆուտբոլի պատմության` ամենախոշոր հաշվով հաղթանակը գրանցվել է Մադագասկարի առաջնությունում: Բարձրագույն լիգայում «AS Adema»-ն 149:0 հաշվով առավելության է հասել «Stade Olympique l’Emyrne»-ի նկատմամբ: Նման յուրօրինակ ռեկորդ թիմին օգնել են գրանցել մրցակցի ֆուտբոլիստները, ովքեր ի նշան մրցավարի որոշումների նկատմամբ բողոքի` սկսել են գոլեր խփել սեփական դարպասին, ողջ հանդիպման ընթացքում նրանց հաջողվել է 149 գոլ հեղինակել:

4. ԿԺԴՀ-ում ֆուտբոլային հանդիպմանը պարտվելու պատճառով հնարավոր է հայտնվել համակենտրոնացման ճամբարում:

2011-ի օգոստոսին ԿԺԴՀ հավաքականի գլխավոր մարզիչն ուղարկվել է համակենտրոնացման ճամբար` օրեկան 14 ժամ ծանր ֆիզիկական աշխատանք կատարելու, այն բանի համար, որ հավաքականը պարտվել է խոշոր 0:7 հաշվով: Երկրի ղեկավարությունը մարզչին մեղավոր է ճանաչվել հավաքականի պարտության մեջ:  

5. Գոյություն ունի եռակողմ ֆուտբոլ:

Նկարիչ Ասգեր Յորը դեռևս 1990-ականների սկզբում ստեղծել է եռակողմ ֆուտբոլ, որը խաղում է միանգամից 3 թիմ, վեցանկյուն դաշտում: Հաղթող է ճանաչվում այն թիմը, որը ոչ թե ամենաշատն է գոլ խփում, այլ ամենաքիչն է բաց թողնում: