Շախմատային լրահոս

Կարեն Գրիգորյանը` Նավալմորալում

Գրոսմայստեր Կարեն Գրիգորյանը Իսպանիայի Նավալմորալ քաղաքում անցկացված օփենում 7 հնարավորից վաստակեց 5,5 միավոր եւ 92 մասնակիցների մեջ գրավեց 4-րդ տեղը: Գրիգորյանը միայն կես միավորով ետ մնաց հաղթողից' գրոսմայստեր Նամիգ Գուլիեւից (Ադրբեջան):

 Սեւակ Մխիթարյանը` Բոգոտայում

Գրոսմայստեր Գրիգոր-Սեւակ Մխիթարյանը (Բրազիլիա) Կոլումբիայի մայրաքաղաք Բոգոտայում անցկացված օփենում 9 հնարավորից վաստակեց 7 միավոր եւ 425 մասնակիցների մեջ գրավեց 10-րդ տեղը: Մխիթարյանը միայն կես միավորով ետ մնաց հաղթողից' գրոսմայստեր Եվգենի Ռոմանովից (Ռուսաստան):

Լեւոն Արոնյանը` համաշխարհային մտավոր խաղերում

Լեւոն Արոնյանը կմասնակցի դեկտեմբերի 12-18-ը Չինաստանի մայրաքաղաք Պեկինում համաշխարհային մտավոր խաղերի ծրագրով անցկացվելիք շախմատի մրցումներին` արագ, կայծակնային եւ ՙբասկյան համակարգի ձեւաչափերով:

Արոնյանի մրցակիցները կլինեն Կարյակինը, Գրիշչուկը, Մամեդյարովը, Դոմինգեսը, Պոնոմարյովը, Ռաջաբովը, Լե Քուան Լիմը, Վան Հաոն, Վան Յուն, Նեպոմնյաշչին, Վաշիե-Լագրավը, Կամսկին, Լեկոն, Իվանչուկը, Գիրին. տեղեկացնում է armchess.am-ը: