Հրշեջ-փրկարարները դուրս են բերել հորն ընկած 2 քաղաքացու, սակայն փրկել չհասցրին (ֆոտո)

Դեկտեմբերի 11-ին` ժամը 15.04-ին, ահազանգ է ստացվել, որ Երևան-Սևան ավտոճանապարհին՝ Արծվի հուշարձանի մոտ գտնվող վառելիքի բազայում, քաղաքացին ընկել է բենզինի դատարկ հորը. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Ժամը 15.40-ի դրությամբ հրշեջ-փրկարարները հորից դուրս են բերել 2 քաղաքացու՝ Ա. Ա. և Մ. Զ.:

Տուժածներին շտապօգնության աշխատակիցները հոսպիտալացրել են Աբովյան քաղաքի բժշկական կենտրոն, որտեղ գիտակցության չգալով՝ մահացել են: