Ձմեռ պապերը շաբաթ օրը` ժամը 13:30-ին, կժամանեն Երևան. «Դեմ եմ»

Կուտակային կենսաթոշակների դեմ պայքարող քաղաքացիական ակտիվիստները հետաքրքիր ամանորյա ակցիա է կազմակերպում: Նրանք դեկտեմբերի 14-ին Ձմեռ պապիկի հագուստով կշրջեն Երևանի կենտրոնական փողոցներով, քաղցրավենիք կբաժանեն.

«Ուրախ ենք հայտնել, որ մի քանի րոպե առաջ մեզ էին զանգահարել հեռավոր Լապլանդիայում բնակվող Ձմեռ պապերը:

- Ողջույն, իմ խիզախ թոռնիկներ: Այստեղ` Լապլանդիայում, մեզ շատ է զայրացրել այդ անպիտան օրենքը և բոլոր չարաճճիները, ովքեր խրախուսում են այն: Եղեք համոզված, որ նրանցից ո՛չ մեկին այս տարի նվեր չի հասնելու,- վրդովված ասաց Ձմեռ պապերից մեկը:

- Մենք ուշիուշով հետևում ենք ձեր՝ վերջին ամիսների ծավալած պայքարին, և պատրաստվում ենք գալ ձեզ օգնության,- ավելացրեց մեկ ուրիշը:

Ձմեռ պապերը խոստացան, որ շաբաթ օրը` ժամը 13:30-ին, կժամանեն Երևան և մեր քաղաքի մարդաշատ վայրերում, քաղցրավենիք բաժանելով, կիրազեկեն մարդկանց Կուտակային կենսաթոշակների օրենքի պարտադիր բաղադրիչի մասին:

Եթե ցանկանում եք լինել «Լապլանդիայից ժամանած Ձմեռ պապ», խնդրում ենք ուղարկել Ձեր հեռախոսահամարը [email protected] էլ. հասցեին: Մեր թիմի անդամները անպայման կզանգահարեն Ձեզ՝ այս ամանորյա ակցիայի մանրամասները հայտնելու համար»: