Բրիտանիայի թագուհին բարկացել է իր ընկույզները գողացող թիկնապահների վրա

Մեծ Բրիտանիայի թագուհի Էլիզաբեթ 2-րդը զայրացել է իր թիկնապահների վրա, ովքեր ուտում են հատուկ թագուհու համար Բուքինհեմյան պալատից բերված ընկույզները: Որպեսզի գողերին ջրի երես հանի, նորին գերազանցություն թագուհին նշումներ էր կատարում ամանների վրա, որոնց մեջ լցված էին լինում ընկույզները, որպեսզի հետևի, թե ուր է անհետանում դրանց պարունակությունը: 

Այս մասին տեղեկություններն աշխարհին հայտնի են դարձել նախօրեին Լոնդոնում News of the World թերթի լրագրողների նկատմամբ ընթացող դատավարության ընթացքում, որոնց մեղադրում են հանրահայտ մարդկանց, այդ թվում` թագավորական ընտանիքի անդամներին ապօրինի հետևելու համար. հայտնում է ИТАР-ТАСС-ը: